Waqt..

Main pyaar karta tha usse..
Woh sundar nahi thi.. par uska dil achha tha..
Shayad dil bhi achha nahi tha.. par acting achhi kar leti thi..
Uske dil ko kabhi takleef nahi hui.. par roti achhi thi..
Woh rone lag jaati toh mere aankhon main aasoon aa jaate..
Lekin phir bhi maine use khoob rulaya..
Kya karta.. woh mujh se chhoti chhoti baato ke liye bhi jhooth bola karti thi.
Saha nahi jata tha mujhse.. 

Jis ko maine apna sab kuchh de diya.. Jis se sab kuchh share kiya.. wahi mujhe paraya samajh ke mujh se apni dil ki baat chhupati..

Sapne bahot dikhaaye usne mujhe..
Lagta hai woh hypnotism main maahir thi..
Dekh na saka main uske sapno ke pichhe chupe hue ek sacchhaai ko..
Puri tarah fas gaya tha main uske pyaar main.. usne jaal hi jo aisa bichhaya tha..

Ant main jab Maine jana ke usne mera sirf istemaal kiya.. bahot takleef hui mujhe..

Tod diye sab rishte usne mere saath.
Sharam aane lagi use jab logo ko maaloom hua ke main uska boyfriend hoon..
Kya karti woh bhi.. Salman Khan jo nahi tha main.
Na height thi na body.. Na paisa na parivaar..
Kuchh nahi tha mere paas sivaay uske..
Par woh bhi ab jaa chuki thi..
Uska jo ex tha.. woh ab uske zindagi main fir se aa gaya tha..

Ab uski zindagi main mera role khatam ho gaya tha..

Par main aaj khush hoon.. mujhe khushi hai ke main kisi ke kaam to aaya..

Nafrat main ya pyaar main.. Lekin mera Naam toh aaya..!

Ab shaant ho gaya hoon.. Azad ho chuka hoon..
Ab koi mujhe rula nahi sakta.. Koi dil dhadka nahi sakta..
Aaj jo main apne pairo pe khada hoon bas usi ke badaulat.
Na woh mujhe chhod ke jaati.. na main maut ka samna karta.. na main jeena sikh pata..
Aaj na use khone ka dar.. Na use paane khi khwaaish hai..

Mujhe ek galatfaimi thi.. ke agar humara pyaar saccha ho to duniya ki kaunsi bhi shakti hume juda nahi kar sakti..
Kabhi nahi socha ke uske jaisi mujhe beintehaan pyaar karne waali mere aasoo par has uthegi..
Mujhe laga pyar amar hota hai.. atoot hota hai..
Lekin aaj Maine jana.. yeh pyaar lachaar hai..
Duniya jhukti hai.. Paise ke aage..
Pyar bhi bikta hai bazaar main.
Koi kisi ka nahi hota.. Bas yeh samay sab ko baandh kar rakhta hai..

Yeh kaal chakra hai.. ghumta rehta hai..
Kal jo diya tha woh aaj milne wala hai..
Aaj jo kar raha hoon woh kal dikhne wala hai..

Aaj uska waqt hai.. Kal mera bhi aayega..
Aaj main akela hoon.. Kal koi mil jaayega..
Waqt ke haathon hai sab..
Aaj woh rula gayi mujhe.. Kal use rulaane wala bhi aayega..

- Sumiet Talekar