Aksar is duniya mai log aisa kyu karte hai?
Ghusse ka jawaab ghusse se dete hai..
Taane ka jawaab taane se dete hai.. Mazaak ka jawaab mazaak se dete hai..
Par pyar ka jawaab, pyar se kyu nahi dete hai?
Waqt to badalta rehta hai..
Jagah bhi badalti rehti hai..
Sapne badalte rehte hai..
Par kisi pe kabhi log, umarbhar kaise mukarte hai?
Yeh mera bhai, woh mera chacha hai..
Yeh meri biwi woh mera baccha hai..
Rishto ka shauq logo ko bada achha hai..
Par insaan ka insaan se rishta, aaj kyu kaccha hai?
Jasbaat mai sab galati kar jaate hai..
Ghoom fir ke sab ghar ko hi aate hai..
Tan pe lage ghaaw kal bhar jate hai..
Par maaf kar ke bhi log, bhool kyu nahi paate hai?
Andar se hai alag, dikhaate aur hai..
Dusro ki zindagi mai, dhyaan gaur hai.. Shakti aur buddhi se aaj ka daur hai..
Par bade bade hoshiyaar bhi, kyu Dil se majboor hai?
- Sumiet Talekar
