Nautanki..

Dhoondhne se nahi milti..
Mili toh poori nahi padti..

Peene se bhi nahi bujhti..
Yeh pyaas Jawaani ki..

Kya aag lagi hai badan main..
Neend nahi hai raato main..
Kaise bitaaye yeh fursatein..
Nikamme Tanhaayi ki..

Kaaboo nahi hai khud par..
Roj kuchh na kuchh soch kar..
Sudharna chaahte hai magar..
Jeet hoti hai Manmaani ki..

Umar kat rahi hai roj aahista..
Raah tak rahe hai na jaane kiska..
Aa bhi jaao tum hai yehi tamanna..
Fir shaam ho Zindagi ki..

Achho mai se sacche ko chuno..
Pyar e wafa ki tum kadar kar lo..
Ya fir dil mai itni Nafrat jaga do..
Ke misaal bane Bewaafai ki..

Aaj jo bhi kehna hai keh do..
Kar do saaf chaahe jo bhi ho..
Kya tum, ya hai koi aur woh..
Ladki mere khwaabo ki...

Toh Pyaar pyaar pyaar..!
Nahi to maar maar maar..!!
Ab bass bhi karo na yaar..!
Sharaafat ki Nautanki..!!

- Sumiet Talekar